8 декабрь, Кесе йома

10 ғинуар 2013 йыл, 10:05

Апрелдә Рәсәй Журналистар союзының Х съезы үтә

автор: Любовь Колоколова

2013 йылдың 18-19 апрелендә Мәскәүҙә Рәсәй Журналистар союзының Х съезы үтә. РФ Журналистар союзы Федератив советының һуңғы ултырышы 17 апрелдә үткәрелә, тип хәбәр ителә Рәсәй Журналистар союзы сайтында.

Съезда һөнәри берләшмә эшмәкәрлегенең киҫкен мәсьәләләре күтәреләсәк. Сарала шулай уҡ төбәк матбуғаты, хеҙмәт хәүефһеҙлеге кеүек мәсьәләләр тикшереләсәк.

— Башҡортостан Журналистар союзынан иң ҙур делегация барасаҡ, сөнки беҙҙең ойошма төбәк берләшмәләре араһында иң ҙуры булып тора, — тип һөйләне «Башинформ» агентлығына БР Журналистар союзы рәйесе Артур Дәүләтбәков. – Февралдә конференция үткәреләсәк, унда съезға делегаттар һайланасаҡ.