6 декабрь, Шишәмбе

09 ғинуар 2013 йыл, 17:11

Республикала 2013 йыл башынан алып 25 мең тоннанан ашыу һөт етештерелгән

автор: Галина Бахшиева

Яңы йылдың тәүге көндәрендә Башҡортостанда тулайым һауым 25 мең тоннанан ашҡан. Шуларҙың 11 мең тоннанан ашыуы ауыл хужалығы предприятиеларына һәм фермер хужалыҡтарына тура килә. Был ваҡыт эсендә йәмғеһе 10400 тоннаға яҡын һөт һатылған, тип хәбәр иттеләр БР Ауыл хужалығы министрлығының матбуғат хеҙмәтенән.

Яңы йыл байрамдарында республика хужалыҡтарында һәр һыйырҙан көнөнә уртаса 8,6 килограмм һөт һауып алынған. 2012 йыл башы менән сағыштырмаса был 300 грамға күберәк.

Иң күп һөт был көндәрҙә Саҡмағош, Дүртөйлө, Өфө, Мәләүез, Стәрлетамаҡ, Ауырғазы, Туймазы, Тәтешле һәм Учалы райондарында һауып алынған. Бында көнөнә бер һыйырҙан 10,1-14,3 килограмм һөт һауалар.