10 декабрь, Шәмбе

28 декабрь 2012 йыл, 14:37

Силәбелә Яңы йылды башҡортса ҡаршылайҙар

автор: Арина Рәхимҡолова

Силәбе өлкәһенең Ш.Бабич исемендәге башҡорт һәм татар әҙәбиәте китапханаһында Яңы йылды ҡаршылауға арналған кисә үтте. Китапханала ойошторолған башҡорт телен өйрәнеү буйынса курстарға йөрөгән һәр кеше туған телендә Яңы йылды ҡайҙа һәм нисек ҡаршылаясағы хаҡында һөйләне.

Ҡатнашыусылар араһында башҡорт телендә иң яҡшы ҡотлауға үҙенсәлекле ярыш ойошторолдо. Кисәгә килгән Ҡыш Бабай уларҙы иғтибар менән тыңлап, һәр береһенә бүләк тапшырҙы.

Сара күңелле уйындар, конкурстар менән байытылды. Байрам күмәкләп сәй эсеү менән тамамланды, тип хәбәр иттеләр Силәбе өлкәһенең «Башҡорт Ҡоролтайы» йәмәғәт ойошмаһынан.