10 декабрь, Шәмбе

27 декабрь 2012 йыл, 14:31

Башҡортостан Президенты алданған өлөшсөләргә ярҙам иткән төҙөүселәргә ярҙам күрһәтеү тураһындағы законға ҡул ҡуйҙы

автор: Людмила Терновая

Башҡортостан Президенты Рөстәм Хәмитов «Башҡортостан Республикаһында ер мөнәсәбәттәрен көйләү тураһында»ғы законға үҙгәрештәр индереү хаҡында» БР законына ҡул ҡуйҙы. Закон алданған өлөшсөләр мәсьәләһен хәл итеүгә йүнәлтелгән. Атап әйткәндә, төҙәтмә «проблемалы» йорт буйынса үҙ өҫтөнә йөкләмәләр алған төҙөүселәргә йорт төҙөлөп бөткәндән һуң ер участкалары биреү тәртибен билдәләй.

БР Дәүләт Йыйылышы Комитеты рәйесе Франис Сәйфуллин билдәләүенсә, тәҡдим ителгән башланғыс алданған өлөшсөләрҙе торлаҡ менән тәьмин итеү буйынса үҙ өҫтөнә йөкләмәләр алған төҙөлөш ойошмаларына һөҙөмтәле ярҙам итеү сараһы була ала. Участкаларҙы бер тапҡыр бушлай биреү күҙ уңында тотола. Закондың төп положениелары баҫылып сыҡҡандан һуң ун көн үткәс, йәғни 2013 йылдың ғинуар башында үҙ көсөнә инә.

темалар: ҡануниәт