3 декабрь, Шәмбе

26 декабрь 2012 йыл, 13:38

Өфөлә йәнә өс ер аҫты үткәүеле төҙөлә башлаясаҡ

автор: Эльвира Латипова

Алдағы йылдарҙа Өфөлә йәнә өс ер аҫты үткәүелен төҙөү планлаштырыла. Улар «Мир» фирмаһы», «Рәми Ғарипов исемендәге гимназия» һәм «Актерҙар йорто» туҡталыштары янында урынлашасаҡ. Был хаҡта ҡала властары журналистарға шишәмбе, 25 декабрҙә, ҡала хакимиәтендә үткән матбуғат конференцияһында хәбәр итте.

Әлеге ваҡытта «Үҫмерҙәр китапханаһы» һәм «Дан бульвары» туҡталыштары янында ер аҫты үткәүелдәре төҙөлөшө әүҙем бара. Өфө хакимиәтенең төҙөлөш мәсьәләләре буйынса идаралығы начальнигы урынбаҫары Асҡар Фәйзуллин хәбәр итеүенсә, бөгөнгө көнгә 40 миллион һум үҙләштерелгән. Төҙөлөш 2013 йылдың сентябрендә тамамланасаҡ.

2025 йылға республиканың баш ҡалаһында йәмғеһе 35 ер аҫты үткәүеле буласаҡ.