5 декабрь, Дүшәмбе

20 декабрь 2012 йыл, 14:42

Баш ҡалала Яңы йыл алды ауыл хужалығы йәрминкәләре үтәсәк

автор: Галина Бахшиева

Өфөлә 22 һәм 23 декабрҙә сираттағы ауыл хужалығы йәрминкәләре үтә. Бындай йәрминкәләрҙә, ғәҙәти баҙарҙар менән сағыштырмаса, хаҡтар түбәнерәк була.

Яңы йыл алды ауыл хужалығы йәрминкәләре Башҡортостан баш ҡалаһында 8 декабрҙә старт алды. Улар һәр шәмбе һәм йәкшмәбе һайын үткәрелә һәм 30 декабргә тиклем адауам итәсәк. Уларҙа үҙебеҙҙә етештерелгән ит һәм һөт продукцияһы, шулай уҡ бал, он, ярма һәм кондитер изделиелары тәҡдим ителә.

Өфө хакимиәтенең матбуғат хеҙмәтенән хәбәр итеүҙәренсә, ҡышҡы йәрминкәләрҙе үткәргән ваҡытта ҡулланыусылар хоҡуҡтарын яҡлау буйынса дежур белгес телефоны эшләйәсәк: 89173860440.

Алдағы ял көндәрендә ҡышҡы йәрминкәләр үткәреләсәк урындар тураһында Өфө хакимиәтенең сайтында белергә була.