9 декабрь, Йома

20 декабрь 2012 йыл, 12:47

Бөгөн Владимир Путиндың ҙур матбуғат конференцияһы үтәсәк

автор: «Башинформ»

Рәсәй Президенты Владимир Путиндың бөгөнгө ҙур матбуғат конференцияһы тәүгә Кремлдә түгел, ә Халыҡ-ара сауҙа үҙәгендә үтәсәк, тип хәбәр иттеләр ил башлығының матбуғат хеҙмәтенән.

Кремль сайтында (www.kremlin.ru) матбуғат конференцияһына аккредитацияланған журналистар исемлеге урынлаштырылған. Сараны Рәсәйҙән 1040 журналист һәм сит илдәрҙән 186 киң мәғлүмәт саралары вәкиле яҡтыртасаҡ, тип көтөлә. «Башинформ» агентлығы исеменән унда сәйәсәт бүлеге мөдире Ғәлиә Нәбиева сығыш яһай.

Иҫегеҙгә төшөрәбеҙ, 2008 йылдың февралендә Владимир Путин журналистар менән аралашыу буйынса шәхси рекорд ҡуйғайны – ул ваҡытта уның матбуғат конференцияһы 4 сәғәт 40 минут дауам итте. Рәсәй Президентының ҙур матбуғат конференцияһы Мәскәү ваҡыты менән 12 сәғәттә башлана.