11 декабрь, Йәкшәмбе

19 декабрь 2012 йыл, 10:15

Күмертау халҡы депутаттар эшмәкәрлегенә онлайн режимда контроллек итә

автор: Ғәлиә Нәбиева

Күмертауҙа бөгөн ҡала округы Советының 11-се ултырышы үтә. Тәүгә ҡала халҡы депутаттар эшмәкәрлеген күҙәтә ала, тип хәбәр иттеләр ҡала хакимиәтенән. Ҡала властары онлайн режимда трансляция ойошторған. Көн тәртибенә алты һорау индерелгән. Депутаттар 2013 йылға һәм 2015 йылға тиклемге осорға Күмертау ҡалаһын социаль-иҡтисади йәһәттән үҫтереү прогнозын раҫларға тейеш. Бөгөн шулай уҡ 2013 йылға һәм 2014, 2015 йылдарҙың планлы осорона ҡала округы бюджеты ҡараласаҡ.

Депутаттар муниципалитеттың башланғыс һәм урта һөнәри белем биреү учреждениеларының эшмәкәрлеге һөҙөмтәләре тураһында мәғлүмәт тыңлаясаҡ, шулай уҡ ҡышҡы осорҙа юлдарҙы төҙөк хәлдә тотоу планын раҫлаясаҡ.