5 декабрь, Дүшәмбе

14 декабрь 2012 йыл, 13:53

Баш ҡаланың белем биреү учреждениеларында Яңы йыл кисәләре 20 декабрҙә башлана

автор: Эльмира Сабирова

Өфөнөң балалар белем биреү учреждениеларында Яңы йыл кисәләренә әҙерлек бара. Быйыл улар 20 декабрҙә башланып, 28-енә тиклем дауам итәсәк.

Ҡаланың мәғариф идаралығынан хәбәр итеүҙәренсә, байрам сараларында урта һәм башланғыс кластарҙа белем алған 80 мең уҡыусы ҡатнашасаҡ. 30 меңдән ашыу бала өҫтәмә белем биреү учреждениеларының Яңы йыл кисәләренә саҡырылған. Баш ҡаланың мәҙәниәт үҙәктәренә 44 меңдән ашыу бала барасаҡ, уларҙа театрлаштырылған тамашалар ойоштороу ҡаралған. Өлкән класс уҡыусылары бал-маскарад, карнавал һәм дискотекаларҙа ҡатнашасаҡ.

Бала баҡсаларында Яңы йыл байрамдары 45 мең сабый өсөн ойошторола.

Бынан тыш, декабрь дауамында белем биреү учреждениеларында төрлө конкурстар үткәреү, Ҡыш Бабайҙың оҫтаханаларын ойоштороу планлаштырыла.

темалар: яңы йыл