8 декабрь, Кесе йома

14 декабрь 2012 йыл, 13:02

Өфөлә Башҡортостан муниципаль берәмектәренең IV съезы үтә

автор: Ғәлиә Нәбиева | фото: Олег Яровиков

Өфөлә, «Нефтсе» мәҙәниәт һарайында Башҡортостан Республикаһы муниципаль берәмектәренең IV съезы үтә. Унда республика Президенты Рөстәм Хәмитов, БР Дәүләт Йыйылышы – Ҡоролтай рәйесе Константин Толкачев, Бөтә Рәсәй урындағы үҙидара советы вәкилдәре ҡатнаша. Съезға төбәктең муниципаль берәмектәренән меңдән ашыу кеше йыйылды.

Форумда республикала урындағы үҙидараны үҫтереүгә йомғаҡ яһаласаҡ һәм «Башҡортостан Республикаһының Муниципаль берәмектәр советы» ассоциацияһы идараһы ағзаларының эшмәкәрлегенә баһа биреләсәк. Шулай уҡ урындағы үҙидара органдары эшмәкәрлгенең артабанғы өҫтөнлөклө йүнәлештәре билдәләнәсәк, урындағы үҙидараны үҫтереү мәсьәләләре тикшереләсәк.