3 декабрь, Шәмбе

13 декабрь 2012 йыл, 15:05

Әбйәлил районында йәш ғаиләләр социаль түләүҙәр алды

автор: Арина Рәхимҡолова

Әбйәлил районы хакимиәтендә 2011-2015 йылдарға иҫәпләнгән торлаҡ шарттарын яҡшыртыуға мохтаж булған йәш ғаиләләргә дәүләт ярҙамы күрһәтеү республика программаһы сиктәрендә йәш ғаиләләргә балаһы (балалары) тыуғанда (уллыҡҡа алынғанда) социаль түләүҙәр алыуға танытмалар тапшырыу тантанаһы уҙҙы.

Торлаҡ сертификаттарын 10 йәш ғаилә алды, тип хәбәр иттеләр район хакимиәтенең мәғлүмәт-аналитика бүлегенән. Социаль түләүҙәрҙең дөйөм суммаһы 2 миллион һумдан ашыу тәшкил итте. Минималь түләү – 81 мең 360 һум, иң ҙуры 271 мең 200 һум күләмендә бирелде.

Әбйәлил районы хакимиәте башлығы Рим Сыңғыҙов йәштәрҙе ҡотлап, бының йәш ғаиләләр өсөн ҙур дәүләт ярҙамы булыуын билдәләне.