5 декабрь, Дүшәмбе

13 декабрь 2012 йыл, 11:39

Башҡортостан парламентарийҙары Яңы йыл алдынан республика студенттарына ярҙам күрһәтә

автор: Людмила Терновая

Яңы йыл алдынан БР Дәүләт Йыйылышы – Ҡоролтайҙың Урындағы үҙидара һәм йәмәғәт берләшмәләре буйынса комитеты депутаттары ауыр тормош шарттарында ҡалған студенттарға ярҙам итеү өсөн средстволар йыйҙы. Комитетта республиканың юғары уҡыу йорттарында белем алған бер нисә йәш кешегә байрам алдынан ярҙам итеү йолаһы йәшәп килә.

— Беҙҙең депутаттар аҡса йыйып, уларҙы матди ярҙам булараҡ студенттарға тапшыра, — тип һөйләне Комитет рәйесе Рөстәм Күзбәков. – Ғәҙәттә, средстволар бер йәки ике студентҡа йүнәлтелә. Кандидатуралар һайлауҙа Башҡортостандың Дәүләт Йыйылышы ҡарамағындағы Йәштәр йәмәғәт палатаһы ағзалары ярҙам итә. Күпселек осраҡта был күп балалы ғаиләләрҙән көндөҙгө бүлектә уҡыған студенттар. Былтыр, мәҫәлән, яңыраҡ әсә булған студентҡа ярҙам иттек. Ҡайһы бер сәбәптәр арҡаһында ул балаһын яңғыҙ тәрбиәләргә мәжбүр. Бындай ярҙам ҙур проблемаларҙы хәл итмәһә лә, ауыр тормош шарттарында йыш ҡына ҙур ярҙам булып тора.