4 декабрь, Йәкшәмбе

12 декабрь 2012 йыл, 12:46

«500 ферма» программаһына йәнә 120 хужалыҡ ҡушылырға планлаштыра

автор: Эльвира Латипова

2013 йылда «500 ферма» республика программаһында йәнә 120 ауыл хужалығы предприятиеһы ҡатнашырға планлаштыра. Был хаҡта Башҡортостан Хөкүмәте ултырышында төбәктең ауыл хужалығы министры Николай Коваленко хәбәр итте. Малсылыҡ комплекстарын заманса ҡорамалдар менән йыһазландырыу программаның төп маҡсаты булып тора.

Фермалар республика һәм район бюджеттары ресурстары, хужалыҡтарҙың үҙҙәренең средстволары иҫәбенә төҙөләсәк һәм реконструкцияланасаҡ.

Иҫегеҙгә төшөрәбеҙ, «500 ферма» программаһы быйыл тормошҡа ашырыла башланы. Уға ярашлы, йылына 100 ферманы, тимәк, биш йылға 500 ферманы заманса, юғары һөҙөмтәле ҡорамалдар менән йыһазландырып, файҙаланыуға тапшырыу планлаштырыла.