Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.00 ↓

EUR 66.08 ↑

27 июнь, Шишәмбе

Уфа   °

Башҡортостан Президенты пенополистирол етештереү буйынса «ТЕХНОПЛЕКС» заводында булды

Иҡтисад

Шәмбе, 8 декабрҙә, Башҡортостан Президенты эш сәфәре менән Учалы районында булды. Визит сиктәрендә республика башлығы экструзион пенополистирол етештереү буйынса «ТЕХНОПЛЕКС» заводында булды.

Рөстәм Хәмитов производствоны ҡарап сыҡты һәм завод директоры Фәрит Ғәрифуллин менән етештерелгән продукцияға, шулай уҡ уны һатыуға бәйле мәсьәләләр тураһында һәйләште.

Асыҡланыуынса, бында етештерелгән материалдар Урал төбәге, Себер һәм Алыҫ Көнсығыш, яҡын сит илдәр – Ҡаҙағстан, Ҡырғыҙстан, Тажикстан, Төркмәнстан, шулай уҡ Монголия баҙарҙарында тәҡдим ителә һәм улар ҙур һорау менән ҡулланыла.

Әлеге ваҡытта, предприятие директоры һүҙҙәренсә, Ҡытай менән хеҙмәттәшлек булдырыу мөмкинлектәре ҡарала.

Әммә республиканың үҙендә бындай продукция ҙур һорау менән ҡулланылмай.

— Ниндәйҙер сәбәптәр буйынса беҙҙең төҙөүселәр башҡа төбәктәрҙә етештерелгән материалдарға өҫтөнлөк бирә. Төҙөлөш тармағы белгестәре был йүнәлештәге эште тикшерһен өсөн, уларға тейешле күрһәтмәләр бирәсәкмен, — тип билдәләне Президент. – Һеҙ Башҡортостанда эшләргә тейешһегеҙ. Цехтар ни тиклем тулы ҡеүәтенә эшләһә, етештерелгән һәм һатылған продукция күләме шул тиклем күберәк буласаҡ, тимәк, бюджетҡа һалымдар ҙа күберәк була. Производствоны киңәйтеү зарур. Республика яғынан һалымдар буйынса ташламалар һәм эш өсөн уңайлы шарттар булдырыу буйынса ярҙам күрһәтеләсәк. Завод Учалы ҡалаһын үҫтереүҙә ярҙам итәсәк майҙансыҡтарҙың береһе булып тора.

Үҫеш темаһын тауам итеп, Фәрит Ғәрифуллин алдғы йылда PLANTER исемле яңы объекттың файҙаланыуға тапшырыласағы хаҡында хәбәр итте.

Бынан тыш, завод ШОС һәм БРИКС илдәре саммиттарына объекттар төҙөүҙә партнер булырға әҙер. Предприятиеның бындай тәжрибәһе бар. «ТЕХНОПЛЕКС» заводы продукцияһы Владивостокта Азия-Тымыҡ океан иҡтисади хеҙмәттәшлеге саммитына объекттар төҙөүҙә ҡулланылған. Шулай уҡ предприятие материалдары Сочиҙа Олимпия уйындарына объекттар төҙөүҙә ҡулланыла.

Яндекс цитирования
Рейтинг ресурсов "УралWeb" -->
закрыть