3 декабрь, Шәмбе

06 декабрь 2012 йыл, 10:42

8 декабрҙән Өфөлә Яңы йыл алды ит йәрминкәләре башлана

автор: Галина Бахшиева

8 декабрҙән Өфөлә Яңы йыл алды ит йәрминкәләре старт ала. Улар һәр ял һайын, 30 декабргә тиклем үткәрелә, тип хәбәр иттеләр БР Ауыл хужалығы министрлығының матбуғат хеҙмәтенән.

Йола буйынса йәрминкәләрҙә республиканың ауыл хужалығы продукцияһы етештереүселәре ҡатнашасаҡ, ит продукцияһын улар сағыштырмаса арзан хаҡ менән һатасаҡ.

Иҫегеҙгә төшөрәбеҙ, Башҡортостан баш ҡалаһында 2012 йылдың 15 сентябренән 28 октябренә тиклем үткәрелгән көҙгө ауыл хужалығы йәрминкәләрендә 11 мең тоннанан ашыу картуф, 7 мең тоннаға яҡын йәшелсә, 1 мең тоннанан ашыу ит һәм 440 тонна бал һатылды.