6 декабрь, Шишәмбе

05 декабрь 2012 йыл, 11:03

Өфөлә ҡырғыҙ мәҙәниәте күргәҙмәһе асылды

автор: Арина Рәхимҡолова

Башҡортостан баш ҡалаһында ҡырғыҙ мәҙәниәте күргәҙмәһе асылды. Уны ойоштороусылар булып БР Халыҡтар дуҫлығы йорто менән берлектә «Ала-Тоо» ҡырғыҙ мәҙәниәте үҙәге төбәк йәмәғәт ойошмаһы сығыш яһай. Экспозицияла ҡырғыҙ сувенир продукцияһы, Ҡырғыҙстан Республикаһының текстиль сәнәғәте менән етештерелгән кейемдәр, шулай уҡ милли костюмдар, республиканың тарихи һәм архитектура ҡомартҡылары хаҡында фотоматериалдар тәҡдим ителә.

Күргәҙмәне асыу тантанаһында Ҡырғыҙстандың бай тәбиғәте, үҫемлектәр һәм хайуандар донъяһы, шулай уҡ иҡтисады сағылдырылған видеофильм күрһәтелде. Ҡунаҡтар төрлө милли ризыҡтарҙан да ауыҙ итте.

Күргәҙмә Өфө ҡалаһы, Аксаков урамы, 73 адресы буйынса көн һайын 12 декабргә тиклем эшләйәсәк.