3 декабрь, Шәмбе

04 декабрь 2012 йыл, 17:58

БР Милли йәштәр театрының «Гроза» спектакле «Дуҫлыҡ күпере-2012» фестивалендә иң яҡшыһы тип танылды

автор: Розалия Вәлиева

М.Кәрим исемендәге Милли йәштәр театры актерҙары башҡарыуындағы «Гроза» спектакле Йошкар-Ола ҡалаһында үткән «Дуҫлыҡ күпере — 2012» Халыҡ-ара Рәсәй республикаларының һәм сит илдәрҙең рус театрҙары фестивалендә Гран-при яуланы.

Шулай уҡ саҡырылған режиссер Ирина Зубжицкаяның эше иң яҡшыһы тип танылды. Катерина ролен башҡарыусы Карина Ярмеева «Иң яҡшы ҡатын-ҡыҙ роле» номинацияһында билдәләнде, Людмила Воротникова (Марфа Игнатьевна Кабанова) менән Линар Әхмәтвәлиев (Савел Прокофьевич Дикой) дуэты шулай уҡ иң яҡшылар иҫәбенә инде.