3 декабрь, Шәмбе

04 декабрь 2012 йыл, 17:05

Тулайым төбәк продукты күләме буйынса Башҡортостан «триллионлы» төбәктәр иҫәбенә инәсәк

автор: Әлфиә Шәрәфетдинова | фото: Олег Яровиков

Тулайым төбәк продукты күләме бер триллион һумдан ашыу булған Рәсәй субъекттары исемлегендә Башҡортостандың туғыҙынсы төбәк булыуы ихтимал. Был хаҡта республика Президенты Рөстәм Хәмитов 4 декабрҙә Өфөлә үткән Инвестицион мөхитте яҡшыртыу буйынса йәмәғәт советы ултырышында хәбәр итте.

— Тулайым төбәк продукты буйынса триллион һумлыҡ сикте үтеп, «триллионлылар клубы»на инергә уйлайбыҙ. Бындай субъекттар Рәсәй Федерацияһында һигеҙ, беҙ туғыҙынсыһы буласаҡбыҙ, — тип билдәләне Рөстәм Хәмитов.

Төбәктә сәнәғәт производствоһы үҫеше 2012 йыл һөҙөмтәләре буйынса яҡынса 6,5 – 6,7 процент тәшкил итәсәк, ә үткән 11 ай эсендә йыйылған һалымдар күләме 2011 йылдағы сумманан ашты.