3 декабрь, Шәмбе

30 ноябрь 2012 йыл, 13:37

Өфөлә татар йәкшәмбе мәктәбе асыла

автор: Арина Рәхимҡолова

3 декабрҙә Өфөнөң Киров районында татар йәкшәмбе мәктәбе асыла. Ҡала хакимиәтенең мәғлүмәт-аналтика бүлегенән хәбәр итеүҙәренсә, яңы мәктәптә татар теле һәм әҙәбиәте, татар халҡының тарихы һәм мәҙәниәте, фольклор, һынлы сәнғәт һәм биҙәү-ҡулланма сәнғәте, инглиз теле, музыка, ритмика һәм бейеү дәрестәре уҡытыласаҡ.

Татар йәкшәмбе мәктәбенә 6-18 йәштәрҙәге балалар ҡабул ителә. Дәрестәр һәр йәкшәмбе һайын 11-16 сәғәттәрҙә үткәреләсәк. Шулай уҡ дүшәмбенән алып шәмбегә тиклем дә дәрестәр үткәреү планлаштырыла. Мәктәп Достоевский урамы, 154 адресы буйынса 41-се урта дөйөм белем биреү мәктәбе бинаһында урынлашҡан.