3 декабрь, Шәмбе

27 ноябрь 2012 йыл, 13:34

2013 йылдың 1 ғинуарынан Рәсәйҙә минималь эш хаҡы күләме – 5205 һум

автор: Галина Бахшиева

2013 йылдың 1 ғинуарынан минималь эш хаҡы күләме Рәсәйҙә 5205 һумға тиклем арттырыласаҡ. «Минималь эш хаҡы күләме тураһында»ғы Федераль закондың 1-се статьяһына үҙгәрештәр индереү хаҡында»ғы Федераль закон Дәүләт Думаһы менән ҡабул ителгән дә инде.

Әлеге ваҡытта минималь эш хаҡы күләме 4611 һумға тиң. Шулай итеп, ул яҡынса 13 процентҡа артасаҡ, тип хәбәр иттеләр БР Хеҙмәт һәм халыҡты социаль яҡлау министрлығының матбуғат хеҙмәтенән.

Минималь эш хаҡы күләмен арттырыуҙың төп маҡсаты – уны йәшәү минимумы күләменә яҡынайтыу. 2013 йылдың 1 апреленә Рәсәйҙең Хеҙмәт һәм халыҡты социаль яҡлау министрлығы әлеге маҡсатҡа ярашлы ентекле план әҙерләргә планлаштыра.