9 декабрь, Йома

26 ноябрь 2012 йыл, 17:57

Өфөлә 12 мең рәсми вакансияға 7 мең эшһеҙ дәғүә итә

автор: Галина Бахшиева

2012 йыл башынан Өфөлә 20 меңгә яҡын рәсми рәүештә теркәлгән эшһеҙ эшкә урынлаштырылған. Баш ҡаланың халыҡ мәшғүллеге хеҙмәтендә иҫәптә торған йәнә 2300-гә яҡын кеше был ваҡыт эсендә ҡайтанан уҡытыуға ебәрелгән.

Бөгөнгө көндә баш ҡаланың вакансиялар банкында 12 меңдән ашыу буш эш урыны иҫәпләнә, уларға яҡынса 7200 эшһеҙ дәғүә итә. Өфөнөң хеҙмәт биржаһында йәмғеһе 7600-ҙән ашыу кеше иҫәптә тора.

«Башинформ» агентлығына Өфөнөң Халыҡ мәшғүллеге үҙәгенән хәбәр итеүҙәренсә, көсөргәнешлек коэффициенты, йәки эшһеҙҙәр менән вакансиялар нисбәте 0,62-гә тиң. Рәсми эшһеҙлек кимәле әлеге ваҡытта 1,28 процентҡа етә.