11 декабрь, Йәкшәмбе

15 ноябрь 2012 йыл, 15:27

Республикала 1,5 миллион тоннанан ашыу һөт һауылған

автор: Галина Бахшиева

2012 йыл башынан алып республикала 1545 мең тонна һөт һауылған. Уларҙың яҡынса 572 мең тоннаһы ауыл хужалығы предприятиеларына тура килә, 2011 йыл менән сағыштырғанда, был 35 мең тоннаға күберәк.

БР Ауыл хужалығы министрлығының матбуғат хеҙмәтенән хәбәр итеүҙәренсә, был ваҡыт эсендә төбәктең ауыл хужалығы предприятиелары 513 мең тоннанан ашыу һөт һатҡан. Үткән йыл күрһәткестәренән был яҡынса 38 мең тоннаға күберәк.

Саҡмағош, Стәрлетамаҡ, Дүртөйлө, Илеш һәм Ауырғазы райондарының ауыл хужалығы предприятиелары – был күрһәткестәр буйынса лидерҙар иҫәбендә.