11 декабрь, Йәкшәмбе

15 ноябрь 2012 йыл, 9:31

Баш ҡалаға Яңы йылдың тәүге ҡунағы килде

автор: Любовь Колоколова

Өфөлә, Серго Орджоникидзе исемендәге Мәҙәниәт һарайы (әле Өфө дәүләт нефть техник университетының Йәштәр һарайы) алдындағы майҙанда тәүге шыршы үҙ урынын алды. Тиҙҙән уны уйынсыҡтар һәм гирляндалар менән биҙәйәсәктәр. Шыршының бейеклеге – 20 метрға яҡын.

Район хакимиәтенән хәбәр итеүҙәренсә, Яңы йылдың тәүге ҡунағы 13 ноябрҙә республиканың Благовещен районынан килтерелгән. Йәшел һылыуҡайҙы урынлаштырыуҙа район предприятиелары һәм ойошмалары ярҙам иткән.

Яҡын арала бында төҙөләсәк боҙ ҡаласығы темаһын ойоштороусылар әлегә сер итеп тота.