11 декабрь, Йәкшәмбе

13 ноябрь 2012 йыл, 12:17

2013 йылда Өфөлә биш ер аҫты үткәүеле төҙөлә башлаясаҡ

автор: Әлфиә Шәрәфетдинова

2013 йылда Өфөлә йәйәүлеләр өсөн биш ер аҫты үткәүеле төҙөлә башлаясаҡ. Уларҙың дүртәүһе Октябрь проспектында («Р.Ғәрипов исемендәге гимназия», «Мир» фирмаһы», икәүһе – «Спорт» туҡталыштарында) урынлашасаҡ. Шулай уҡ «Актерҙар йорто» туҡталышында Пушкин урамы аша үткәүел төҙөләсәк. Әлеге ваҡытта «Өфө-Аэропорт» юлында ла йәйәүлеләр өсөн ике ер өҫтө үткәүелен төҙөү проекттары экспертиза үтә.

Иҫегеҙгә төшөрәбеҙ, быйыл Башҡортостан баш ҡалаһында «Дан бульвары» һәм «Үҫмерҙәр китапханаһы» туҡталыштарында ике ер аҫты үткәүеле төҙөлә башланы ла инде. Уларҙы 2013 йылдың өсөнсө кварталыда файҙаланыуға тапшырыу планлаштырыла.

2025 йылға тиклем Өфөнө үҫтереү буйынса генераль планда йәмғеһе 30-ҙан ашыу ер өҫтө һәм ер аҫты үткәүелен төҙөү ҡаралған.

темалар: төҙөлөш