Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.40 ↓

EUR 63.28 ↓

18 ғинуар, Шаршамбы

Уфа   °

Баш ҡаланың Октябрь районы ветерандары өсөн Өсөнсө быуын халыҡ университеты асыласаҡ

Сәйәсәт

Ҡала Советы депутаты Светлана Николаева Өфө ҡалаһы Октябрь районы ветерандары менән осрашты. Сара «Юлаевсы» үҫмерҙәр клубында үтте, тип хәбәр иттеләр Өфө ҡала Советының матбуғат хеҙмәтенән.

Ветерандар үҙҙәрен борсоған төрлө мәсьәләләрҙе ҡуҙғатты. Тәү сиратта, уларҙы микрорайонда алып барылған төҙөлөш эштәре хафаға һала. Яңы йорттар төҙөгәндә балалар майҙансыҡтары, ағастар зыян күрмәһен, тип борсола ветерандар. Шулай уҡ ололар бындай осрашыуҙарҙың улар йәшәгән урынға яҡын булған үҙәктәрҙә үткәрелеүен теләне.

Депутат, үҙ сиратында, ветерандарҙың тормошон ҡыҙығыраҡ итеү, яҡшыртыу буйынса айырым тәҡдимдәре менән бүлеште. Һүҙ микрорайон халҡы өсөн Өсөнсө быуын халыҡ университетын асыу хаҡында бара. Өлкән кешеләрҙе шулай уҡ Өфө буйлап экскурсиялар ҙа ҡыҙыҡһындыра. Уларҙың был теләген депутат хупланы.

Светлана Николава һүҙҙәренсә, бындай экскурсияларҙы үткәреү мөмкинлеге бар һәм алдағы арала улар мотлаҡ ойоштороласаҡ.

— Әлеге беҙҙең осрашыу – бик яҡшы башланғыс. Бындай саралар матур йолаға әүерелергә тейеш, — тине Светлана Николаева.

Яндекс цитирования
Рейтинг ресурсов "УралWeb" -->
закрыть