11 декабрь, Йәкшәмбе

08 ноябрь 2012 йыл, 11:40

Рәсәй Хоккей федерацияһы Өфөнөң донъя чемпионатын үткәреүгә әҙерлек кимәлен тикшерәсәк

автор: Сергей Захаров | фото: Юлия Дмитриева

Киләһе аҙнала Рәсәй Хоккей федерацияһы вәкилдәре Өфөгә эш визиты менән килә. Был хаҡта 7 ноябрҙә йәштәр командалары араһында хоккей буйынса Донъя чемпионатына әҙерлек мәсьәләләренә арналған видеоселектор кәңәшмәһендә билдәле булды. Унда Рәсәй Хоккей федерацияһының Ярыштар үткәреү буйынса идаралығы начальнигы Николай Урюпин, Башҡортостандың Спорт сараларын ойоштороу һәм үткәреү буйынса идаралығы начальнигы Александр Ефимов, ойоштороу комитетының эш төркөмдәре етәкселәре ҡатнашты. Кәңәшмәлә бөтә йүнәлештәр буйынса хәл ителмәгән мәсьәләләр билдәләнде.

Иҫегеҙгә төшөрәбеҙ, хоккей буйынса донъя беренселеге матчтары 2012 йылдың 26 декабренән 2013 йылдың 5 ғинуарына тиклем үтә. Билеттар «Өфө-Арена» һәм Спорт һарайы кассаларында, шулай уҡ www.ticket.ufa2013.net сайтында һатыла, тип хәбәр иттеләр чемпионаттың матбуғат хеҙмәтенән.