8 декабрь, Кесе йома

07 ноябрь 2012 йыл, 17:43

Республикала һалым хеҙмәте һәм Эске эштәр министрлығы хеҙмәттәшлек тураһында килешеүгә ҡул ҡуйҙы

автор: Әлфиә Шәрәфетдинова

Рәсәй Федераль һалым хеҙмәтенең Башҡортостан буйынса идаралығы менән БР буйынса Эске эштәр министрлығы араһында хеҙмәттәшлек тураһында килешеү төҙөлдө. Документҡа 7 ноябрҙә Рәсәй Федераль һалым хеҙмәтенең Башҡортостан буйынса идаралығы етәксеһе Марат Вәхитов һәм БР буйынса эске эштәр министры Михаил Закомалдин ҡул ҡуйҙы. Осрашыу «Һалым органдарының эске эштәр органдары менән үҙ-ара килешеп эш итеү һөҙөмтәлелеген арттырыу» темаһына берлектәге семинар-кәңәшмә сиктәрендә ойошторолдо.

— Хеҙмәттәшлек тураһында килешеү берлектә эшмәкәрлек алып барыу механизмдарын билдәләй һәм ул хеҙмәттәшлек итеүҙең барлыҡ йүнәлештәрен, шул иҫәптән процессуаль эшмәкәрлекте, берлектә саралар үткәреү тәртибен, килешеп эш итеүҙең сифатына контроллек итеүҙе көйләү маҡсатында төҙөлдө, — тип хәбәр иттеләр һалым ведомствоһының матбуғат хеҙмәтенән.