10 декабрь, Шәмбе

07 ноябрь 2012 йыл, 11:30

8 ноябрҙә Өфөлә күсемһеҙ милек форумы асыла

автор: Әлфиә Шәрәфетдинова

8 ноябрҙә Өфөнөң Ҡала мәҙәниәт йортонда Инвестициялар, күсемһеҙ милек һәм девелопмент форумы асыла. Бер юлы бында «Күсемһеҙ милек. Көҙ-2012» экспозицияһы ойоштороласаҡ. Төбәктең Сауҙа-сәнәғәт палатаһы, БР Төҙөлөш һәм архитектура буйынса дәүләт комитеты менән ойошторолған саралар 10 ноябргә тиклем дауам итә.

Тәүге көндө «2012 йылдың көҙөнә БР һәм Өфөнөң инвестициялар, төҙөлөш һәм күсемһеҙ милек баҙарындағы хәлдәр. Торлаҡ төҙөүгә территорияларҙы комплекслы үҙләштереү өсөн ер участкалары етешмәү мәсьәләләре» темаһына пленар ултырыш үтә. Уның эшендә власть органдары вәкилдәре, төҙөүселәр, инвесторҙар, кредит ойошмалары хеҙмәткәрҙәре һәм башҡа белгестәр ҡатнашасаҡ.

Йома, 9 ноябрҙә, «Ипотека һәм кредит көнө» үтә, уның сиктәрендә граждандар үҙҙәрен ҡыҙыҡһындырған һорауҙарға яуаптар аласаҡ.

Сараларға теләгән һәр кем килә ала. Инеү бушлай.