8 декабрь, Кесе йома

02 ноябрь 2012 йыл, 11:01

Баш ҡалала «Евро-Өфө-Азия-2012» мода форумы асылды

автор: Эльмира Сабирова

«Евро-Өфө-Азия-2012» мода форумы 1-2 ноябрҙә Ҡала мәҙәниәт һарайында үтә. Тамашасыларға авторлыҡ коллекциялары күрһәтеләсәк, йәш дизайнерҙар, рәссам-модельерҙар һәм ҡайтанан асылған ательелар үҙ эштәрен тәҡдим итәсәк.

Йомғаҡлау сараһы 1 ноябрҙә 18 сәғәттә Ҡала мәҙәниәт һарайында үтә. Шулай уҡ форум сиктәрендә «Текстиль һәм мода» күргәҙмәһе ойоштороласаҡ.

Баш ҡаланың мода һәм матурлыҡ индустрияһы предприятиеларының абруйын арттырыу, производствоны заманаға ярашлы итеп үҫтереү, предприятиеларҙың ижади мөмкинлектәрен үҫтереү, шулай уҡ халыҡты хеҙмәтләндереү өлкәһендә бәләкәй бизнесты артабан үҫтереү өсөн шарттар булдырыу сараның төп маҡсаттары булып тора.

Форумды ойоштороусылар булып Өфө хакимиәте сығыш яһай. Проект партнеры — «Башҡортостан күргәҙмә компаниһы» яуаплылығы сикләнгән йәмғиәте.

темалар: мода