9 декабрь, Йома

02 ноябрь 2012 йыл, 10:40

Өфөнөң Халыҡ мәшғүллеге хеҙмәте сайтында йәштәр өсөн махсус бүлек булдырылды

автор: Галина Бахшиева

Өфөнөң Халыҡ мәшғүллеге үҙәге сайтында йәштәрҙе эшкә урынлаштырыу мәсьәләләренә арналған яңы бүлек булдырылды.

Башҡортостандың Халыҡ мәшғүллеге дәүләт хеҙмәте идаралығынан хәбәр итеүҙәренсә, был бүлектә теләгән һәр кем хеҙмәт баҙарында талап ителгән һөнәрҙәр менән танышып, һөнәри йүнәлеш буйынса тест үтә ала.

Бынан тыш, унда студенттар, уҡыусылар өсөн айырым вакансиялар урынлаштырылған. Шулай уҡ бүлектә 14-18 йәштәрҙәге үҫмерҙәр өсөн ваҡытлыса эш урындары тураһында мәғлүмәт бар.

Халыҡ мәшғүллеге үҙәге сайтының яңы бүлегендә 18-30 йәштәрҙәге ҡыҙ һәм егеттәрҙең резюмелары менән дә танышырға була.

Идаралыҡтан хәбәр итеүҙәренсә, йәштәр өсөн бындай вакансиялар һәр Халыҡ мәшғүллеге үҙәге сайтында урынлаштырылған.