3 декабрь, Шәмбе

19 октябрь 2012 йыл, 14:41

Республика парламентарийҙары тәмәкегә ҡаршы закон проектын хуплай

автор: Людмила Терновая

Рәсәй Хөкүмәте октябрь аҙағына тиклем тәмәкегә ҡаршы закон проектын тикшерергә планлаштыра, уға ярашлы 2015 йылдың 1 ғинуарынан башлап йәмәғәт урындарында тәмәке тартыу бөтөнләй тыйыласаҡ. Документ киоскыларҙа тәмәке һатыуҙы, шулай уҡ тәмәке изделиеларын рекламалауҙы тыйыуҙы күҙ уңында тота.

Башҡортостан парламентарийҙары был закон проектын тулыһынса хуплай.

— Тәмәке тартыуҙы иҫкәртеүгә йүнәлтелгән тәҡдимдәр һәм эштәрҙе хуплайым, — тип билдәләне БР Дәүләт Йыйылышы – Ҡоролтай рәйесе урынбаҫары Лилиә Ғүмәрова. – Әммә тәҡдим ителгән законды тормошҡа ашырыу механизмын дәүләт кимәлендә ентекле әҙерләү мөһим, сөнки һүҙ тәмәкене рекламалауҙы, йәмәғәт урындарында тәмәке тартыуҙы тыйыу тураһында бара. Идея, әлбиттә, актуаль. Тәү сиратта ул беҙҙең йәш быуын өсөн көнүҙәк булып тора. Әммә был законды тормошҡа ашырыу өсөн, күп эштәр башҡарырға кәрәк.