10 декабрь, Шәмбе

17 октябрь 2012 йыл, 12:39

Республиканың Ауыл хужалығы министрлығы хеҙмәткәренә 120 миллион һум күләмендә штраф һалынды

автор: Ольга Мортазина

Республиканың Юғары суды ҡарары менән БР Ауыл хужалығы министрлығының 57 йәшлек элекке хеҙмәткәре ҙур күләмдә ришүәт алғаны өсөн хөкөм ителде. Үткән йылдың август айында элекке чиновник бынан өс йыл элек «Рощинский» совхозында башҡарылған эштәр өсөн аҡса күсереүҙә ярҙам иткәне өсөн төҙөлөш фирмаһынан 1,5 миллион һум аҡса талап иткән.

Чиновник ришүәт суммаһының бер өлөшөн (500 мең һум) алған ваҡытта ҡулға алынған. Әммә ғәйепләнеүсе үҙ ғәйебен танымаған. Уға 120 миллион һум күләмендә штраф һалынды, тип хәбәр итте БР Юғары судының матбуғат секретары Елена Макушина. Шулай уҡ ғәйепләнеүсе бер йыл дауамында дәүләт хеҙмәтендә етәксе вазифаларын биләй алмай, тип асыҡланылар республика прокуратураһынан.

темалар: коррупция