8 декабрь, Кесе йома

16 октябрь 2012 йыл, 17:43

Республиканың 11 районында шәкәр сөгөлдөрө тулыһынса йыйып алынған

автор: Галина Бахшиева

Республиканың 11 районында шәкәр сөгөлдөрө тулыһынса йыйып алынған. Көн элгәре Башҡортостандың алты районы – Дәүләкән, Йәрмәкәй, Ишембай, Күгәрсен, Стәрлебаш һәм Саҡмағош аграрийҙары татлы тамыраҙыҡтарҙы йыйып алыу буйынса эште тамамлауы тураһында хәбәр итте.

Һуңғы мәғлүмәттәр буйынса, шәкәр сөгөлдөрө 43,4 мең гектар майҙанда йыйып алынған, планға ҡарата был 85 процентҡа тиң.

Башҡортостанда уртаса уңыш гектарынан 176 центнер тәшкил итә. Әлегә 766 мең тонна шәкәр сөгөлдөрө ҡаҙып алынған. Уларҙың 576 мең тоннанан ашыуы эшкәртеүгә ебәрелгән, тип хәбәр иттеләр БР Ауыл хужалығы министрлығының матбуғат хеҙмәтенән.