10 декабрь, Шәмбе

08 октябрь 2012 йыл, 17:29

Башҡортостандың эшҡыуар ҡатын-ҡыҙҙары Истанбулға бизнес-форумға барасаҡ

автор: Любовь Колоколова

Башҡортостандың эшҡыуар ҡатын-ҡыҙҙары «Рәсәй менән Төркиә араһындағы иҡтисади мөнәсәбәттәрҙә ҡатын-ҡыҙҙар эшҡыуарлығы роле» халыҡ-ара бизнес-форумында ҡатнашасаҡ. Сара 9-12 октябрҙә Истанбулда үтә.

Форум Рәсәй Федерацияһының Төркиәләге Илселеге, РФ Сауҙа-сәнәғәт палатаһы, Рәсәйҙең Төркиәләге Сауҙа вәкиллеге, РФ Иҡтисади үҫеш министрлығы һәм Рәсәй-Төркиә эшлекле советы ярҙамында ойошторола.

Республика делегацияһын Башҡортостандың Эшҡыуар ҡатын-ҡыҙҙар ассоциацияһы рәйесе Алла Кузьмина етәкләйәсәк. Делегация составында – Ольга Ноғоманова, Римма Еникеева, Татьяна Гридина һәм Лилиә Кәшфуллина. Улар хеҙмәттәштәре менән айырым тармаҡтар буйынса секцияларҙа осрашасаҡ.