Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 56.07 ↓

EUR 60.84 ↓

25 апрель, Шишәмбе

Уфа   °

Өфөлә үткән конференцияла «Рәсәй энциклопедистары ассоциацияһы»н булдырырға тәҡдим ителде

Йәмғиәт

«Башҡорт энциклопедияһы» ғилми нәшриәтенең генераль директоры Уйылдан Сәйетов Матбуғат һәм киң коммуникациялар буйынса федераль агентлыҡ ҡарамағында «Рәсәй энциклопедистары ассоциацияһы»н булдырырға тәҡдим итте. Бындай башланғыс менән ул Өфөлә «Тарихи тәжрибә, Рәсәй төбәк энциклопедистикаһы үҫешенең көнүҙәк мәсьәләләре» бөтә Рәсәй фәнни-ғәмәли конференцияһында сығыш яһаны.

— Төбәк энциклопедистикаһын артабан үҫтереү беҙҙең эшмәкәрлекте координациялауҙы талап итә, — тип белдерҙе Уйылдан Сәйетов. – Кемдер был ролде үҙ өҫтөнә алырға тейеш. Энциклопедистика илдә берҙәм организм кеүек үҫешергә тейеш. Сөнки Рәсәйҙең барлыҡ энциклопедистары бер мәғлүмәт киңлегендә эшләй.

«Башҡорт энциклопедияһы» ғилми нәшриәтенең генераль директоры билдәләүенсә, мәғлүмәт киңлегендә һәм шул иҫәптән төбәк энциклопедияларында булған факттар дөрөҫлөгө һәр кемебеҙҙе һәм тәү сиратта «Ҙур Рәсәй энциклопедияһы»н ҡыҙыҡһындырырға тейеш. Сөнки төбәк энциклопедиялары уны һәм ғөмүмән мәғлүмәт киңлеген урындағы материалдар менән тулыландыра.

Яндекс цитирования
Рейтинг ресурсов "УралWeb" -->
закрыть