4 декабрь, Йәкшәмбе

24 сентябрь 2012 йыл, 16:52

28 сентябрҙә Стәрлетамаҡта «Шәжәрә байрамы» үтә

автор: Арина Рәхимҡолова

28 сентябрҙә Стәрлетамаҡтың Мәҙәниәт һарайында «Шәжәрә байрамы» үтә. Республика кимәлендәге был сараны ойоштороусылар булып БР Мәҙәниәт министрлығы, Республика халыҡ ижады үҙәге, Стәрлетамаҡ ҡалаһы һәм районы хакимиәте сығыш яһай. 1812 йылғы Ватан һуғышы осорондағы мәҙәни-тарихи аспекттарҙы тергеҙеү, унда ҡатнашыусыларҙың шәжәрәләрен өйрәнеү, шулай уҡ йәштәрҙе әхлаҡи-патриотик рухта тәрбиәләү байрамдың төп маҡсаты булып тора.

Сарала республиканың муниципаль райондары һәм ҡала округтарынан ижади берләшмәләр ҡатнашасаҡ. Үҙҙәренең эштәрен шулай уҡ биҙәү-ғәмәли сәнғәт оҫталары тәҡдим итәсәк.