5 декабрь, Дүшәмбе

24 сентябрь 2012 йыл, 15:04

Өфөлә Дамир Йәлилов исемендәге Ҡала фото йорто асылды

автор: Ольга Мортазина | фото: Андрей Старостин

Өфөлә ҡалалағы тәүге махсус фотогалерея эшләй башланы. Фото йортоноң беренсе күргәҙмәһендә был проектты башлап ебәреүсе һәм уны ойоштороусы Дамир Йәлиловтың эштәре тәҡдим ителә. Ҡыҙғанысҡа ҡаршы, уға эшенең һөҙөмтәһен күрергә насип булманы. Фото йорто директоры Гүзәл Сәйфетдиарова хәбәр итеүенсә, генерал Горбатов урамындағы 7/5 һанлы йортта урынлашҡан бүлмә Өфө хакимиәте тарафынан бирелгән. Өфө фоторәссамдары өсөн галерея күргәҙмә залын һәм яҡтылыҡ техникаһы менән йыһазландырылған студияны тәҡдим итергә әҙер. Ҡала халҡы күргәҙмәләргә бушлай йөрөй аласаҡ.

«Ҡыҙғанысҡа ҡаршы, Дамирға эшенең һөҙөмтәһен күрергә насип булманы. Әммә уның был ҡаҙанышы үҙе хаҡында хәтер һаҡлаясаҡ», — тип билдәләне фотогалереяны ойоштороусы – Дамир Йәлиловтың апайы Елена Астахова.

Бөгөн иһә Фото йорто баш ҡала халҡы һәм ҡунаҡтары өсөн үҙ ишектәрен асты. Киләсәктә бында ай һайын экспозицияларҙы яңыртып тороу планлаштырыла, тип хәбәр иттеләр ойошма хеҙмәткәрҙәре.

темалар: фото,хәтер