10 декабрь, Шәмбе

18 сентябрь 2012 йыл, 18:12

Өфөлә «Йәштәргә - эш!» акцияһы үтәсәк

автор: Эльмира Сабирова

«Йәштәргә — эш!» республика акцияһының икенсе этабы кесе йома, 20 сентябрҙә, Йәштәр һарайында үтә. Сараны ойоштороусылар булып БР Йәштәр сәйәсәте һәм спорт министрлығы, Республика йәштәр мәшғүллегенә булышлыҡ итеү үҙәге, БР Халыҡ мәшғүллеге дәүләт хеҙмәте идаралығы һәм Башҡорт дәүләт аграр университеты сығыш яһай.

БР йәштәр сәйәсәте һәм спорт министры урынбаҫары Руслан Ғизәтуллин һүҙҙәренсә, йәрминкә эш тәҡдим итеүселәр һәм шулай уҡ эш эҙләгән йәштәр араһында ла ҙур һорау менән файҙалана. Йәштәргә улар яҡшы эш табырға мөмкинлек бирә, ә эш тәҡдим итеүселәргә квалификациялы белгестәр йәлеп итергә ярҙам итә.

Быйыл үҙенең вакансияларын баш ҡаланың 50-гә яҡын предприятиеһы һәм ойошмаһы тәҡдим итәсәк. Сарала 500-ҙән ашыу йәш кешенең ҡатнашыуы көтөлә, тип хәбәр иттеләр БР Йәштәр сәйәсәте һәм спорт министрлығынан.

Башлана – 15 сәғәттә.