4 декабрь, Йәкшәмбе

14 сентябрь 2012 йыл, 11:42

Баш ҡалала «Йәштәргә – эш!» вакансиялар йәрминкәһе үтәсәк

автор: Галина Бахшиева

Киләһе аҙнала, 20 сентябрҙә, XXIII «Йәштәргә – эш!» республика йәштәр акцияһының икенсе этабы сиктәрендә Өфөлә вакансиялар йәрминкәһе үтә.

Сараны ойоштороусылар булып БР Йәштәр сәйәсәте һәм спорт министрлығы, Республика йәштәр мәшғүллегенә булышлыҡ итеү үҙәге, БР Халыҡ мәшғүллеге дәүләт хеҙмәте идаралығы һәм Башҡорт дәүләт аграр университеты сығыш яһай.

Вакансиялар йәрминкәһе Йәштәр һарайында үтә. Башлана – 15 сәғәттә.

Иҫегеҙгә төшөрәбеҙ, быйыл яҙ «Нефтсе» мәҙәниәт һарайында үткән XXIII «Йәштәргә – эш!» республика йәштәр акцияһында юғары һәм урта махсус уҡыу йорттарын тамамлаусылар, шулай уҡ студенттар – йәмғеһе ике меңгә яҡын кеше ҡатнашты. Республиканың 60-тан ашыу эш тәҡдим итеүсеһе төрлө вакансиялар тәҡдим итте.