Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 57.42

EUR 61.86

26 март, Йәкшәмбе

Уфа   °

Астанала ТӨРКСОЙ ағзалары булған илдәрҙең вәкилдәре кәңәшмә үткәрәсәк

Сәйәсәт

Башҡортостан делегацияһы ТӨРКСОЙ ағзалары булған илдәрҙең ЮНЕСКО эштәре буйынса милли комиссиялары һәм комитеттары вәкилдәренең өсөнсө кәңәшмәһендә ҡатнашасаҡ. Сара Астанала 13-14 сентябрҙә үтә.

ЮНЕСКО-ның барлыҡ эшмәкәрлек йүнәлештәре буйынса ТӨРКСОЙ ағзалары булған илдәрҙең хеҙмәттәшлеген нығытыу Ҡаҙағстанда үтәсәк ҙур ултырыштың төп маҡсаты булып тора.

Сарала төрки телле халыҡтарҙың тәбиғәт ҡомартҡыларын, мәҙәни һәм документаль мираҫы объекттарын һаҡлап ҡалыу мәсьәләһе иғтибар үҙәгендә буласаҡ. Шулай уҡ мәғариф, фән, мәҙәниәт һәм коммуникациялар өлкәләрендә уртаҡ программалар һәм проекттарҙы тормошҡа ашырыу мәсьәләһе тикшереләсәк. Был хаҡта «Башинформ» агентлығына БР Тәбиғәттән файҙаланыу һәм экология министрлығының матбуғат хеҙмәтенән хәбәр иттеләр.

Ике көнлөк кәңәшмә эшендә ТӨРКСОЙ ағзалары булған илдәрҙең ЮНЕСКО эштәре буйынса милли комиссиялары һәм комитеттары вәкилдәре, ЮНЕСКО эштәре буйынса милли комиссиялар етәкселәре, ЮНЕСКО-ның милли комитеттары һәм программалары рәйестәре ҡатнашасаҡ.

Башҡортостан Республикаһы делегацияһы составында: БР Мәғариф министрлығы, БР Тәбиғәттән файҙаланыу һәм экология министрлығы, БР Мәҙәниәт министрлығы, БР ЮНЕСКО эштәре буйынса комитеты һәм республиканың Бөрйән районы хакимиәте вәкилдәре.

БР Тәбиғәттән файҙаланыу һәм экология министрлығынан хәбәр итеүҙәренсә, ТӨРКСОЙ ағзалары булған илдәрҙең ЮНЕСКО эштәре буйынса милли комиссиялары һәм комитеттары вәкилдәренең өсөнсө кәңәшмәһендә шулай уҡ республикала «Башҡортостан Уралы» биосфера резерватын булдырыу мәсьәләһе лә тикшереләсәк.

Яндекс цитирования
Рейтинг ресурсов "УралWeb" -->
закрыть