9 декабрь, Йома

12 сентябрь 2012 йыл, 14:39

Республикала дәүләт-шәхси партнерлыҡ схемаһы буйынса бала баҡсаһы төҙөлә

автор: Рәсүл Хәмиҙуллин

Туймазы районы Әгертамаҡ ауылының яңы биҫтәһендә дәүләт-шәхси партнерлыҡ схемаһы буйынса 110 урынлыҡ бала баҡсаһы төҙөлә. БР Төҙөлөш һәм архитектура буйынса дәүләт комитетының мәғлүмәт хеҙмәтенән хәбәр итеүҙәренсә, был республикала әлеге схема буйынса төҙөлгән берҙән-бер бала баҡсаһы. Туймазы ҡалаһының «3-сө төҙөлөш фирмаһы» яуаплылығы сикләнгән йәмғиәте объектты үҙенең средстволары иҫәбенә төҙөргә булған. Өс йыл дауамында урындағы муниципалитет бала баҡсаһын төҙөүсенән һатып аласаҡ.

БР Төҙөлөш һәм архитектура буйынса дәүләт комитетында билдәләүҙәренсә, республиканың бихисап райондарында бала баҡсаларын төҙөү эштәре алып барыла. Йыл аҙағынаса яңы объекттар Илеш, Саҡмағош, Шишмә райондарында һәм Октябрьский ҡалаһында сафҡа индереләсәк.