6 декабрь, Шишәмбе

11 сентябрь 2012 йыл, 9:45

Өфөлә тажик мәҙәниәте байрамы үтте

автор: Ғәлиә Нәбиева

Көн элгәре Сергей Аксаков исемендәге мәҙәниәт һәм ял паркында тажик мәҙәниәте байрамы үтте, ул Тажикстандың бойондороҡһоҙлоғона 21 йыл тулыуға арналды. Сараны ойоштороусылар булып Башҡортостан Республикаһының Халыҡтар дуҫлығы йорто һәм И.Сомони исемендәге тажик милли мәҙәниәте үҙәге сығыш яһаны.

Байрамда ҡатнашыусыларҙы Тажикстан Республикаһының Башҡортостандағы консулы Содик Имомов, Тажик милли мәҙәниәте үҙәге рәйесе Барот-Бек Джалолов, БР Халыҡтар дуҫлығы йорто директоры Вельмир Аҙнаев, Башҡортостандың Мәҙәниәт министрлығы вәкилдәре һәм республиканың йәмәғәт милли-мәҙәни үҙәктәре етәкселәре сәләмләне.

Ҡунаҡтарға матур концерт программаһы тәҡдим ителде.