9 декабрь, Йома

10 сентябрь 2012 йыл, 15:48

Төбәктә II «Йәштәр проекты - 2012» республика конкурсы башланды

автор: Любовь Колоколова

Башҡортостандың Йәштәр сәйәсәте һәм спорт министрлығы «Йәштәр проекты — 2012» республика йәштәр бизнес-проекттары һәм бизнес-идеялары конкурсы башланыуы хаҡында иғлан итә.

Һәләтле йәш эшҡыуарҙарҙы асыҡлау һәм уларға финанс ярҙам күрһәтеү, йәштәр араһында эшҡыуарлыҡ башланғыстарын тормошҡа ашырыу өсөн шарттар булдырыу, республиканың ғәмәлдәге бәләкәй предприятиеларын үҫтереү һәм яңыларын булдырыу процесын әүҙемләштереү бәйгенең төп маҡсаттары булып тора.

Конкурста 30 йәшкә тиклемге шәхси эшҡыуарҙар, бәләкәй эшҡыуарлыҡ субъекттары, шулай уҡ бизнес менән шөғөлләнгән йәштәр коллективтары ҡатнаша ала.

Еңеүселәр «Иң яҡшы йәштәр бизнес-проекты» һәм «Иң яҡшы йәштәр бизнес-идеяһы» номинацияларында гранттар менән наградланасаҡ.

Заявкалар 3 октябргә тиклем Өфө ҡалаһы, Ленин урамы, 10, 271-се бүлмә адресы буйынса БР Йәштәр сәйәсәте һәм спорт министрлығында ҡабул ителә. Белешмәләр өсөн телефон: (347) 251-57-23.