Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 62.94 ↓

EUR 73.31 ↑

26 июнь, Шишәмбе

Уфа   °

Шаран районында күп балалы ғаилә «ГАЗель» микроавтобусы алды

Йәмғиәт

Шаран районының Мичуринск ауылында йәшәгән Миңлевәлиевтар ғаиләһе 9 бала тәрбиәләй. Өлкән ҡыҙҙары Айһылыу быйыл һөнәрселек училищеһын тамамлаған, игеҙәктәр Әҙилә менән Айнур 7-се класҡа барған. Айгиз исемле улдары – 5-се класта, Ранис менән Регина 2-се класта белем ала, ә кескәй Лиана бала баҡсаһына йөрөй. Бәләкәстәр Рәнил менән Рәсил әсәләре менән өйҙә ултыра.

Ошо көндәрҙә ғаиләлә ҡыуаныслы ваҡиға булды – Рәсим менән Гөлнара Миңлевәлиевтар район хакимиәте хәстәрлеге менә бушлай «ГАЗель» микроавтобусы алды.

— Республика етәкселегенә күп балалы ғаиләләр хаҡында хәстәрлек күрһәткәне өсөн сикһеҙ рәхмәтлебеҙ, — тине ғаилә башлығы. – Бүләк алыуыбыҙға бик шатбыҙ. Хәҙер балалар менән уларҙың олатай-өләсәйҙәренә, туғандарға, район үҙәгенә, ҡалаға һәм тәбиғәткә ял итергә сыға алабыҙ.

Элегерәк, 2008 йылда, Шаран ауылында йәшәгән Әхмәтвәлиевтар ғаиләһе шулай уҡ «ГАЗель» микроавтобусы алғайны, тип хәбәр иттеләр район хакимиәтенән.

автор: Раил Мусин, Әлим Фәйезов
Яндекс цитирования
Рейтинг ресурсов "УралWeb"
закрыть