10 декабрь, Шәмбе

06 сентябрь 2012 йыл, 10:39

Башҡортостан паралимпиясылары Лондонда 13 миҙал яулап өлгөрҙө

автор: Дмитрий Слезин

Рәсәй йыйылма командаһы спортсылары Алексей Лабзин һәм Андрей Коптев (Башҡортостан физик культура институты), шулай уҡ Евгений Кегелев һәм Федор Триколач Лондонда 2012 йылғы Паралимпия уйындарында Т11/13 категорияларында 4х100 метрлыҡ дистанцияла йүгереү буйынса чемпиондар булды. Улар Паралимпия уйындары рекордын ҡуйҙы — 42,66 секунд.

Икенсе урында – Ҡытай спортсылары, өсөнсөлә – Әзербайжан командаһы.

Шулай итеп, Коптев менән Лабзин Башҡортостандың «алтын запасын» ун миҙалға еткерҙе: йөҙөүселәр Оксана Савченко – 4 миҙал, Александр Неволин-Светов – ике, еңел атлеттар Алексей Лабзин – ике, Елена Паутова, Андрей Коптев һәм Анастасия Овсянникова – берәр алтын миҙал яуланы. Бынан тыш, Неволин-Световта – ике, Анна Сорокинала бер «көмөш» бар. Йәмғеһе – 13 миҙал. Пекинда үткән Паралимпия уйындарында улар туғыҙ ине.