8 декабрь, Кесе йома

05 сентябрь 2012 йыл, 16:21

Өфөнөң егермеләп предприятиеһы йәштәр өсөн вакансиялар йәрминкәһендә ҡатнашасаҡ

автор: Галина Бахшиева

6 сентябрҙә Өфөлә йәштәр өсөн көҙгө вакансиялар йәрминкәһе үтә. Унда кәм тигәндә 20 предприятие һәм ойошма, шулай уҡ йәштәр мәшғүллегенә булышлыҡ итеү үҙәктәре ҡатнашасаҡ.

Сараны ойоштороусы булып Өфөнөң Халыҡ мәшғүллеге үҙәге – йәштәр хеҙмәт биржаһы сығыш яһай.

— Йәштәр өсөн вакансиялар йәрминкәһендә менеджер, тәрбиәсе, педагог, дөйөм туҡланыу хеҙмәткәре, төрлө кимәлдәге консультанттар һәм белгестәр кеүек төрлө вакантлы урындар тәҡдим ителәсәк, — тип һөйләне Өфөнөң Халыҡты эш менән тәьмин итеү үҙәгенең предприятиелар менән бәйләнештәр бүлеге начальнигы Ирина Турчина.

Иҫегеҙгә төшөрәбеҙ, барлыҡ хеҙмәттәр бушлай күрһәтелә.

Йәрминкә Өфө ҡалаһы, Ибраһимов бульвары, 47/1 адресы буйынса үткәрелә. Башлана – 10 сәғәттә.