8 декабрь, Кесе йома

04 сентябрь 2012 йыл, 14:34

Александр Григорьев «Башҡортостан Республикаһындағы фиҙаҡәр хеҙмәте өсөн» отличие билдәһенә лайыҡ булды

автор: Сергей Захаров

Башҡортостан Президенты Указы менән БР Хөкүмәт Аппараты етәксеһе урынбаҫары Александр Григорьев «Башҡортостан Республикаһындағы фиҙаҡәр хеҙмәте өсөн» отличие билдәһе менән наградланды.

Александр Григорьев Өфөлә тыуған. 9 сентябрҙә уға 60 йәш тула. Өфө нефть институтын тамамлағандан һуң, 2-се Өфө йылылыҡ-электр үҙәге электромонтерынан башлап Өфөнөң Октябрь районы башҡарма комитеты рәйесе урынбаҫарына тиклем хеҙмәт юлын үтә.

Төрлө йылдарҙа БАССР Министрҙар Советының ойоштороу бүлеге мөдире урынбаҫары, БР Министрҙар Кабинетының эштәр менән идара итеүсеһе урынбаҫары булып эшләй.

2002 йылдан БР Министрҙар Кабинеты Аппараты етәксеһе урынбаҫары, БР Хөкүмәт Аппараты етәксеһе урынбаҫары вазифаһын башҡара.

Башҡортостан Республикаһының Почет грамотаһы һәм «Бөтә Рәсәй халыҡ иҫәбен алыуҙа әүҙем ҡатнашҡаны өсөн» билдәһе менән наградланған.