4 декабрь, Йәкшәмбе

31 август 2012 йыл, 9:28

Оксана Савченко Лондонда 2012 йылғы Паралимпия уйындарында «алтын» яуланы

автор: Дмитрий Слезин

Лондонда 2012 йылғы Паралимпия уйындарында ирекле стилдә 400 метрлыҡ дистанцияла йөҙөү буйынса финал тамамланды.

Был уйындарҙа Рәсәй ҡатын-ҡыҙҙары араһында тәүге алтын миҙалды М.Аҡмулла исемендәге Башҡорт дәүләт педагогия университеты студенты Оксана Савченко яуланы. Чемпион ваҡыты — 4:37,89.

Икенсе урында – Британиянан Ханна Расселл, өсөнсөлә — Испания спортсыһы Дебора Фонт.

Йәнә бер Рәсәй спортсыһы Анна Ефименко 4:51,39 ваҡыт менән әҙ генә миҙалға «йөҙөп» етә алманы, ул – дүртенсе урында.