7 декабрь, Шаршамбы

27 август 2012 йыл, 17:30

Республика Президентының матбуғат секретары: «Абстракт күрһәткестәргә ирешеү өсөн эшләү ваҡыты үтте»

автор: «Башинформ»

«Башинформ» агентлығының Башҡортостан Президенты Рөстәм Хәмитовтың «Өфө» халыҡ-ара аэропорты директоры Рәмил Тимерғәзиндың отставкаһы хаҡындағы ҡарарына комментарий биреүҙе һорап мөрәжәғәт итеүенә Президенттың матбуғат секретары Артем Вәлиев былай тип яуап бирҙе:

— Аэропорт директорын отставкаға ебәреп, Президент шәхси проблеманы ғына хәл итмәне. Ул республиканың барлыҡ чиновниктарына ярайһы уҡ аныҡ сигнал ебәрҙе — ведомство ҡарамағында булған учреждениеларҙың эшмәкәрлеген «Халыҡ өсөн эшләү» принцибына ярашлы ойоштора алмаған һәр кеше үҙенең урынын бушатырға мәжбүр буласаҡ. Абстракт күрһәткестәргә генә ирешеү өсөн эшләү ваҡыты үтте. Власть һәм иҡтисад дөйөм алғанда граждандарҙың именлегенә эшләй башларға тейеш.