3 декабрь, Шәмбе

24 август 2012 йыл, 12:36

Өфө - «Етемдәрһеҙ ҡала» бөтә Рәсәй конкурсы буйынса онлайн-тауыш биреүҙә лидерҙар иҫәбендә

автор: Эльмира Сабирова

«Етемдәрһеҙ ҡала» өсөн тауыш биреү дауам итә. 24 авгусҡа ҡарата мәғлүмәттәр буйынса, Өфө был рейтингта икенсе урында килә. Ҡала 1316 тауыш йыйып, Ступиноны ҡыуып етеп килә, ул 1452 тауыш менән беренсе урынды биләй.

«Етемдәрһеҙ ҡала» бөтә Рәсәй конкурсының девизы — «Һәр балаға – йылы өй». Унда Рәсәй Федерацияһының 57 субъектынан 150 ҡала ҡатнаша. Ойоштороусылар булып Рәсәйҙең бәләкәй һәм урта ҡалалары ассоциацияһы менән берлектә Ауыр тормош шарттарында ҡалған балаларға ярҙам фонды сығыш яһай. Социаль етемлекте иҫкәртеү, ата-әсә ҡарауынан мәхрүм ҡалған һәм етем балаларҙы ғаиләләргә урынлаштырыу, уларҙың йәшәү шарттарын яҡшыртыу бәйгенең төп маҡсаты булып тора.

Тауыш биреү 2012 йылдың 1 ноябренә тиклем дауам итә. Тауыш биреү «Я-родитель» порталында үткәрелә.